مطلب ارسالی کاربران
اشعار آذری
شنبه 11 بهمن 1393 - 13:14
علی سینمده کی دیرناق یاراسی خاطرینه
بیر آزدا یات سحرون ماجراسی خاطرینه
سوسوزلار الده سو جامی دیلینده یا عباس
دخیل درگه اولوبلار سخاسی خاطرینه
سوسوزلارین چوخی دائم بو دور و برده گزور
گچولّه صاق صولا سو ماجراسی خاطرینه
خیال ایدولّه سو اولسا فقط بو خیمه ده وار
سویی ربابه ویرللر بالاسی خاطرینه
اوغول بو سوزلره باعث فقط سوسوزلقدی
ھمیشه درد سیزیلدار دواسی خاطرینه
خجالتی سنون عباس عمون چکور آرادا
گیدوب اوزاقدا گزور ئوز حیاسی خاطرینه
فقط رقی هّ باجوندور گلوب گیدن یانوا
ئوزین ھلاک ایدور ئوز دلرباسی خاطرینه
و بیرده سس اوجالاندا گلولّه عمّه لرون
توکولّه گوزیاشی قارداش بالاسی خاطرینه
گرگ سکینه نون آغوشینه ویرم سنی ده
دخیل درگه ایده ئوز آناسی خاطرینه
دیه عمو آنامون چاره سی گیدوب الدن
گوزین تیکوب الوه التماسی خاطرینه
او خالی مشک لره دقّتیله بیر باخسان
و لو اولا ایکی قطره شفاسی خاطرینه
توکک بوغازینه راحت گیدوب گله نفسی
ربابون آه دل بینواسی خاطرینه
بالق تک آغزوی تزتز آچوب چخاتما دیلون
ئورگیمون بو ساغالماز یاراسی خاطرینه
من آلتی آی سنه صود ویرممیش غذا یمدیم
باغشلا بو گجه نی غم ھواسی خاطرینه
یقین فراتیده ناله ایدور سوسوزلقوا
یاتانموسن او فراتون صداسی خاطرینه
فرات سھلیدی داغ داش یانار سنون حالوا
بو لشگرون عمل نارواسی خاطرینه
چوخ ایستورم آنالار ایچره تک رباب آنووی
بیر امتحان ایده لر، مدّعاسی خاطرینه
گوزوم پیاله سینه بیر پیاله سو ویره لر
ویرم بو گوزلروی عمرون بقاسی خاطرینه