ایگیت لر یوردو قفقازیم، سنه مندن سلام اولسون
سنین عشقیندن ایراندا، هنوز صبری تالان واردیر
آنام تبریز منه گهوار ده سویلردی: یاوروم بیل!
سنین قالمیش اوتایدا خال لی تئل لی بیر خالان واردیر
آراز دشمن الینده بیر قلیچ تک اورتانی کسدی
اونون اولادی وارسا بیل، سنی یاده سالان واردیر (2)
(دیوان ترکی شهریار ـ ص 82)
*******************
جاهللیقدا تورا دوشن چوخ اولار
قیش یاخینلار تور آتانلار یوخ اولار
مظلوم لارین آهی بیر گون اوخ اولار
ظلمون دگر، اورگی نین باشینا
آوچی قویار باش یهرین قاشینا
یازیق جوان شیطانی گورجک چاشار
یولدان چیخیب بولودلو داغلار آشار
حقی تاپان خضر اولی مینلر یاشار
نه یاخشی دیر الله سوزون اینانماق
بلا لرده صبر ائله یب، دایانماق (5)
(دیوان ترکی شهریار ـ ص57)
***************
دئدین آذر ائلی‌نین بیر یارالی نیسگیلی یم من
نیسگیل اولسام دا گولوم بیر ابدی سؤیگیلی‌یم من
ائل منی آتسادا اؤز گولشنیمین بولبولی‌یم من
ائلیمین فارسیجادا دردینی سؤیلر دیلی یم من
ابدیت گولویم من (7)
(دیوان ترکی شهریار ـ ص 72)
